На станцыі Койданава
Лявон Вольскі
На станцыі Койданава
Зачапілася хмара за коміны над хлебазаводам,
На рэмбазе зьвінела, заходзілася цыркулярка,
Уздымаўся да неба драўляна-бурштынавы водар,
За касілкаю сыпала трэск электрычная зварка.
O-o-o-o-o На станцыі Койданава, Койданава
O-o-o-o-o На станцыі Койданава, Койданава
Пад дажджом разгружаючы моўчкі машыну з прычэпам,
Мужыкі пад паветку ўскладалі мяхі з ўгнаеньнем,
Учарнелае лісьце спрачалася з ботамі шэптам,
Пахла вуліца хлебам і восеньню да ачмурэньня.
O-o-o-o-o На станцыі Койданава, Койданава
O-o-o-o-o На станцыі Койданава, Койданава