Дай мне знак
Лявон Вольскі
Дай мне знак
А неўзабаве прыйдзе дзень,
Якога так чакалі ўсе.
Цябе закруціць вір падзей,
І мур хіснецца і ўпадзе.
Рыхтуй сябе, рыхтуй дзяцей,
Бо неўзабаве прыйдзе дзень,
Калі адступіць шэры цень
І мур хіснецца і ўпадзе.
Прыпеў:
Дай мне знак, дай мне надзею,
Што я паспею.
Дай мне знак, дай мне надзею,
Што я заспею.
І ты пачнеш з сямі вятроў,
Пачнеш з кахання і сяброў.
Усеабдымная любоў
Табе раскрыецца ізноў.
Прыпеў:
Дай мне знак, дай мне надзею,
Што я паспею.
Дай мне знак, дай мне надзею,
Што я заспею.
І гэты час для ўсіх для нас
Пачаткам будзе новых дзён.
Не будзе вечнаю сцяна -
Яе кароткае жыццё.
Прыпеў:
Дай мне знак, дай мне надзею,
Што я паспею.
Дай мне знак, дай мне надзею,
Што я заспею.