Prima noza
Raimond Irsara
Prima noza
Na scincunda fata vibrazion d'amor
s'auza ntëur nëus via y lascia zech per for
Audide l batidlon, la ciampana y si sonn
ansciudes, insteies, tosc iel inò d'autonn
legrëzes demustredes, mueies mpue scundudes
ciofs de ciamp
la negules debant, per chësc bel di sant.
L cuer ciaut bat dassënn, l'emozion se fej udëi
l frëit vën jí per l spinel, ma l di ie for plu bel
l'or lusc tla man ciancia, uedli moi, chëi ne mancia
benediscion dal aut
l pensier sbriscia inant, ma sën cie éi pa fat
l´ëura dla vita vën nuteda sú
lizënza ufiziela per pudëi sté adum
La piza, l pont plu aut, l´amor é cunesciú
deguni, nianca l tëmp, saré boni de l desdrú
speranza nraviseda ilujion mpue curida
tunel iluminá troi seniá da na gran bontá
Culëures vëijen sën ntëur ai uedli che së la rij
n vënt tënder da festa renfreschea lëaria te n bisc
I lëns ie dut n flëura L surëdl che nes sciauda
L tëmp scumëncia a jí
l balanz unirà tení sul palch da uni di.