Halala Afrika
Johannes Kerkorrel
Halala Afrika
1ste Vers:
Toe die wêreld hier nog jonk was
En die horison wyd en oop
Was dit groen hier in die halfrond
Suid van die ewenaar
En in die skemer as die son sak
En die beeste huis toe loop
Klink die roepstem van die vroue
Oor die heuwels van die land
Refrein:
Halala, halala
Ewig is ons Afrika
tula tula mtanami
tula tula sanoboni
tula tula mtanami
ubab uzobuya sihlale naye
ubab uzobuya sihlale sonke
2de Vers:
Toe kom die skepe uit die weste
Wit seile oor die see
Om te vra vir kos en water
En te bly vir soveel meer
En die land wat een tyd oop was
Die land het ons verruil
Vir die ghetto's van die stede
Is ons koperdraad gegee
halala, Afrika
sasiphila kamnandi
mayibuye afrika
3de Vers:
Daar was rykdom in die maag
Van ons moeder afrika
Diamante, steenkool, goud, edel metaal
En die mense word die slawe hier
Want die mense word betaal
Om te tonnel in die aarde
Elke greintjie uit te haal
4de Vers:
En die groot en oop grasvlaktes
Span dit toe met doringdraad
En van die olifant tot die gemsbok
Al die diere moes kom buig
Voor die mag van die
Grootwildjagter
Voor die mag van sy groot geweer
Totdat net die stilte oorbly
Totdat net die stilte heers